पोखरा विश्वविद्यालय स्कुल अफ बिजनेसमा एमबिए वर्ष २०२० अगष्ट तथा २०२१ मार्च ब्याचलाई  Graduation ceremony and Farewell party मिति २०८०-०९ -१४ गते  पोखरा लेकसाइड स्थित होटल उत्सव हिमालयमा सम्पन्न भएको छ । कार्यक्रम समूहका विद्यार्थीहरूलाई अन्तिम परीक्षा सम्पन्न भएपश्चात  उक्त कार्यक्रम गरिएको थियो। कार्यक्रममा विद्यार्थीहरुले आफ्नो एमबिए कार्यक्रम पढ्दा भोगेका खुसी साटासाटका साथै एमबिए कार्यक्रमलाई थप प्रभावकारी बनाउन गर्नुपर्ने सुझावहरु पनि दिनुभएको थियो। कार्यक्रममा विभिन्न सांगीतिक मनोरञ्जनात्मक प्रस्तुतिहरु विद्यार्थीबाट प्रस्तुत हुँदै गर्दाको खुसीको  साथै साथीहरूसँग छुट्दाको  मिश्रित  भाव विद्यार्थीहरूमा प्रष्ट झल्किएको थियो। कार्यक्रममा विद्यार्थीहरुलाई बिदाई तथा मायाको चिनो तथा  विद्यार्थी कक्षा संयोजकलाइ प्रमाणपत्र प्रदान गरिएको थियो ।   उक्त रमाइलो कार्यक्रम पश्चात् विद्यार्थीहरुलाई विशेष पार्टीको व्यवस्था गरिएको थियो ।