पोखरा विश्वविद्यालय स्कुल अफ विजनेश (एस.ओ.वि.) को संस्था सेयरिङ्ग हर्मोनी ईन न्यू ईन्भारोमेन्ट (साईन) ले यही मिति २०८०/०२/०८ गतेबाट मिति २०८०/०२/११ गतेसम्म सातौं बुक फेयर कार्यक्रम सफलतापूर्वक सम्पन्न गरेको थियो । एस.ओ.वि. का विद्यार्थीहरुलाई लक्षित गरी एस.ओ.वि. भवनको तल्लो तलामा संचालन गरिएको उक्त बुक फेयर कार्यक्रममा विद्यार्थीहरुले आफुले अध्ययन पूरा गरि सकेका सेमेस्टरका विभिन्न विषयगत किताबहरु, गाईडहरु, ह्यान्सआउटहरु तथा नोटहरु न्यून मुल्यमा विक्री/वितरण गरेका थिए । उक्त कार्यक्रममा करिव ४५० जना विद्यार्थीहरु प्रत्यक्ष सहभागी भएका थिए ।

उक्त बुक फेयर कार्यक्रमबाट न्यून आर्थिक स्तर भएका जेहन्दार पोखरा विश्वविद्यालयमा अध्यययनरत विद्यार्थीहरुलाई आवश्यक पाठ्य सामाग्रीहरु खरिद गर्न मद्दत पुग्ने र नयाँ विद्यार्थीहरुमा आत्मविश्वास बढ्न गई प्रतिक्रियात्मक क्षमतामा समेत अभिबृद्धी हुने विश्वास सेयरिङ्ग हर्मोनी ईन न्यू ईन्भारोमेन्ट (साईन) ले लिएको छ । यस प्रकारका कार्यक्रमहरु संचालनबाट विद्यार्थीहरुको पठन-पाठनमा प्रत्यक्ष सहयोग पुग्ने हुँदा आगामी दिनहरुमा पनि सेयरिङ्ग हर्मोनी ईन न्यू ईन्भारोमेन्ट (साईन) बाट यस प्रकारको कार्यक्रमहरु संचालन हुने अपेक्षा पोखरा विश्वविद्यालयले लिएको छ ।